سلام عليكم يا اهل الهمسات
بعد غياب طويييييييييييل عدنا بقوة
المرة دي همستي جائت من أمام البحر
من خلف عالم لا يعرفه سوي قله من البشر
عالم دافئ هادي مختلف عن واقعنا المضطرب
أغنية عارفة ل علي الحجار
اغنية بتلخص حالة من الاحساس عالية جدا
انا مش عارفة أوصف اد ايه بحب الاغنية دي و لا ازاي بتاثر فيا
لكن هسيبكوا تعيشوا الاحساس مع صوت البحر و دفئ الكلمات و روعة الحان عمرو خيرت
................
عرفه ...
مش عارف ليه متونس بيكي وكأنك من دمي ..
علي راحتي معاكي وكأنك امي
....مش عارف ليه....
عرفه ...
....مش عارف ليه....
عرفه ...
حاسس اني لأول مره بشوفك ..
واني بشوفك من أول لحظه ف عمري
حاسس اني يمامه بتشرب في كفوفك..
حاسس اني يمامه بتشرب في كفوفك..
وانك شجره وضله وميه بتجري
مش عارف ليه ...
مش عارف ليه ...
متونس بيكي وكأنك من دمي علي راحتي معاكي وكأنك امي
... مش عارف ليه ...
عارفه ...
... مش عارف ليه ...
عارفه ...
فرحه كبيره وصوت مزيكا ف قلبي ... وكأننا حببين أتقبلوا بعد فراق
ليه فجأه بئيت مستني لوحدي.. ليه بتكلم واحكيلك واشكيلك همي
مش عارف ليه ..متنوس بيكي من دمي ..علي راحتي معاكي وكأنك امي
...مش عارف ليه...
وانا وياكي بحس الدنيا سلام وامان ...وان العالم مفهوش ولا نقطه احزان
ليه فجأه بئيت مستني لوحدي.. ليه بتكلم واحكيلك واشكيلك همي
مش عارف ليه ..متنوس بيكي من دمي ..علي راحتي معاكي وكأنك امي
...مش عارف ليه...
وانا وياكي بحس الدنيا سلام وامان ...وان العالم مفهوش ولا نقطه احزان
ايدك خليها في ايدي انا طفل كبير...
وبحس انا وانتي لوحدينا والكون بستان...
مش عارف
...ليه متونس بيكي وكأنك من دمي ...علي راحتي معاكي وكأنك امي
...مش عارف ليه....
...مش عارف ليه....
..............
ارجو انها تعجبكوا و اعتذر جداااا علي مشكلة بوست فيروز
سلام
مها
20 comments:
عارفة....الاغنية دي تخلي الواحد يسرح مع نفسه كدة ويتخيل ان في بني ادمة كدة في الحياة
بس بصراحة
مالقيتهاش لسه
سلام عليك يا A.SAMIR
اهلا بيك في اول زيارة للمدونة و ان شاء الله تلاقي البني ادمه اللي تتمناها و فعلا تحسسك بمعني الاغنية في حبكوا
شرفتني بزيارتك
سلام
مها
sosaو علكي السلام يا
ان شاء الله انا منتظرة اسئلتك و ان شاء الله افيدك في موضوع البحث بتاعك
انا هبعتلك ميل و ان شاء الله انتظر اسئلتك
سلام عليكي
مها
انا كنت زمان اما اسمع الاغنيه دى بتنرفزنى اوى كلمه وكانك امى
تصورى انتى قعده مع الطرف الاخر ويقلك انتى زى امى
:)
بس بعدين اما سمعتها كويس
مقدرش اقلك عجبتنى قد ايه
ذوقك رفيع
تحياتى
سلام عليكي يا rr
اهلا بيكي يا جميل
تعرفي ان الكلمة دي برده كانت بتضايقني
بس لما عرفت المعني اللي يقصده
و قد ايه ممكن الانسان يحس أن الطرف تاني مهما كان غريب عنه الا انه ممكن يحس انه اتخلق مه او انهم كانوا مع بعض حتي من قبل ما يتواجدوا علي الكون
انا بحس انها حالة عالية و راقية جدا من الحب
نورتيني يا rr
لا تحرمينا من زياراك
سلام
مها
يمكن تكون بساطة كلمات الاغنيه دى ورقة الحانها وتعبيرها عن حاله حب صعب نلاقيها فى الزمن ده هى سر حب عدد كبير من الناس ليها انا فعلا باحبها جدا
شكرا ليك على كتباة كلماتها
انا بكره الاغنية دي اوي
يا راجل حد لسة بيسمع على الحجار ؟؟
الكلام جميل اوي
يمكن دي اول مرة ازور مدونتك وان شاء الله مش هتكون اخر مرة
وبجد الاغنية تحفة
توبك هايل جدا
الى الامام دائما
ليك تقديري
علي الحجار
بحر
ياللهول
علي فكره مش اي حد يفهم الجو ده خالص
تصدقو ان لما بقول لحد اني بسمع علي الحجار بيضحكو عليا
مع العلم ان ليه اغاني تشيب الكتكوت الشركسي
بجد احييك علي البوست ده وعلي الروح دي
تحياتي ومنظر وجودكم في المدونه الخاصه بي
ياه الله عليكي يامها
مكنتش متخيل انك هاتقدري توصلي للاغنية دي بجد انتي جامده يابنتي
تخيلي بقى اللي بيقول انه مابيسمعش علي الحجار انا احترم راييه بس الاغنيهه
دي بالذاتم ابيفهمش ولا يعرف معناها ايه الااصحاب الزوق الرفيع
بجد انتي فنانه في الاحساس
عارفه انا بجد حسيتها لان الغربة وحشه وانا خدتها على مصر
بس ربنا يزيدك يارب
وربنا يسترها
انا رايح انزل بوست بقى
سلام عليكم يا جماعة
اسفه جدا لتاخير ردودي و زياراتي هنا
نبدا بقي
.....
سلام عليك يا e7na
فعلا كلماتها رقيقة جدا
اهلا بيكي و ن شاء الله تتكرر الزيارة
سلام
_______________
سلام عليك يا Sharm
مش كل الناس بتتفق علي سماع علي الحجار
بس اظن الاغنية دي ملهاش حل
اديها فرصة و اسمعها و قول لي رائيك
متاكده انها ان شاء الله تعجبك
سلام
________________
سلام عليك يا عمرو غريب
اهلا بيك و ميرسي لمرورك
نورت المدونة
:)
____________
سلام عليك يا لولا
اهلا بيكي و ان شاء الله مش اخر مرة تزورينا
اهلا بيكي
:)
سلام
مها
سلام عليك يا علاء
حاضر ان شاء الله اكون هناك
انا قريت الموضوع و ان شاء الله ارد علي البوست
سلام
_____________
سلام عليك يا The Riddle
يشرفني حضورك و تقديرك
ان شاء الله دايما مستمع لاغاني المدونة و ان شاء الله دايما تعجبك
سلام
_________
سلام عليك يا تامر
من اروع الصور اللي بشوفها لاقيتها في مدونتك
فعلا فنان
...
علي الحجار مش اي حد بيفهم احساسه.. و بصراحة ده مش في كل الاغاني لانه مؤخرا خرج عن المالوف و اللي اتعودنا منه عليه
:)
ان شاء الله تعجبك كل اغاني المدونة
سلام
_________
سلام عليك يا انسان
حمد لله علي السلامة لرجوعك ارض المحروسة
و عوده قوية للمدونة و انا كنت اول تعليق في المدونتين
:)
ميرسي لكلامك جدا و البوست بتاعك حلو اوي
سلام
مها
مش عارفه اقولك ايه! و لا اشكرك ازاي،
انا بصراحه لقيت مدونتك بالصدفه البحته، عشان كنت بدور على الاغنيه دي و مش لقياها فدورت في جوجل و طلعتلي مدونتك و لقيت عندك الاغنيه.. انت هايله، بجد عمري ما هنسالك الجميل ده..
انا بعشق الاغنيه دي.. حاله فريده فعلا، مختلفه تماما عن اي مشاعر حب في اي اغنيه تانيه..
شكرا شكرا
عن جد شكرا هذه الأغنية الي كنت بدور عليها من زمان !!
لكم اعشق اعمال الموسيقار المبدع عمر خيرت
فعلا اغنية جميلة ورائعه بصوت على الحجار فعلا
كفيتي وفيتي ..مثل مانقول بالكويت
واتمنى لج النجاح دائما وفعلا المدونه تستحق المتابعه
فشكرا قلبي ..
وفعلا كما حصل مع الأخت هاجر حصل معاي طحت على المدونه بالصدفة بالوقت الي كنت بدور على اعمال عمر حيرت
يااااااااااااااااااااه
الأغنية ذكرتني بحاجات كثيررررررررررررة رائعه كانت بحياتي
شكرا
دلال ............الكويت :)
احلي كلام اتكتب في اي اغنية
طبعاً أنا مش هعلق علي الأغنية لأن كفاية كل التعليقات دي, لكن بصراحة أنا لازم أقول ان الأغنية دي مش مجرد كلمات محطوطة على لحن و بتتغني , لأ ... يا جماعة الأغنية دي حالة معينة فى الحب مش أي حد يوصلها ... و بجد الكلمات مع الموسيقى بيرسموا في خيال الواحد المشهد ده, اسمعوا مثلا نقلة الموسيقي في الدقيقة
1:02 لحد 1:20
و من بعدها
1:30 لحد 2:06
بجد تحفة والله, يعني الموسيقي كمان بتاعتها تحفة..
معلش أنا طولت عليكي لكن انا مقدرتش أمنع نفسي من كتابة التعليق ده, اسمحيلي كمان أحط لينك للموسيقي بس للفنان/ عمر خيرت إن شاء الله هتعجبك و تعجب كل الي يسمعها أسف كمان مرة علي التطويل و دي أول مرة أجي في مدونتك
http://www.4shared.com/file/104874836/2a9dfe24/Omar-Khayrat_3arfa.html
Post a Comment