بلدنا امانه في ادينا نعليها مادام عايشين
نعيـش فيهـا سنين وسـنين واحنــا مطمــــنيــن
مـاشـربتــش مـن نيلــها طــب جربــت تغنيلــها
جربــت فــي عـز مـاتحزن تمشي فـي شوراعها وتشكيلـها
مامشتشـــي فــــي ضواحيهـــا طييــب ماكبرتــش فيهـا
ولا ليـك صورة عالرملــه كانــت عالشــــط فـــي موانيـــها
دور جـواك تلقـاهـــا هـــي الصحبــــة وهـــــي الأهـــل
عشـــرة بلـــدي بتبقـــى نسيــانهــــا عالبــال مـش سهـــل
يمكـن ناسـي لإنــك فيهـــا مــش واحشــاك ولا غبـــت عليهـــا
بـس اللــي مجـرب وفارقهــا قـال فــي الدنيـا مفيــش بعديهـا
ان غبـــــت بحنلهـــــا وانســـــى الدنيــا واجيلهـــا
وان جيـت انسـى تفكرني بمليـون ذكـرى القلـب شـايلهـا
غاليـــة بلدنــــا علينـــا وهاتفضــــل فـــي عنينـــا
ومـدام بنحــب بلدنــا تبقــى هاتتغيــر بادينــــا
احنـــــــا اللــــــــي نعليهـــــــا
بادينــا نخليهــا اجمــل لينــاولولدنـــا
مهمــا العمــر يعــدي علينــا
مشربتـش مــن نيلهــا
بلدنـا امانـه
مصر
ربنا يسترها
9 comments:
سلام عليك يا انسان
اخيرا بوست في همسات
الف مبروك
الاغنية دي انا بحبها جدا
مع ان البلد دي يا ياما بتعمل في اهلها بس لما تسمع اغنية بتحكي عنها و عن حياتنا فيها تحس انها بالرغم من كل شي برده بتاعتنا و بتحبنا
:)
جميل اختيارك يا انسان
سلام
مها
ربنا يخليكي يارب
نورتيني
بجد انا بموت في الحياة هنا بس مش عايزها تكون كدا نفسي احس بالامان
نفسي البلد تتصلح بس ده طلب المستحيل صح
ربنا يسترها
كلمات تحسسك بالحنين لمصر التى نفتقدها جميعا رغم كوننا نعيش فيها الا اننا نفتقد ان تعود بناسها كما كانت فى الماضى صاحبة التاريخ العريق والحضارة
فعلا الغنيه دى جميله جدا
وفعلا مهما سافرنا مهما بعدنا
هنشتاق لبلدنا
هنشتاق لاعدة مع اصحابنا
لتمشيه على الكورنيش
لكمله افتكرناها واحد صاحبنا قالهلنا واثرت فينا
هنشتاق للبحر
هنشتاق لمنطقه لعبنا فيها واحنا صغيرين
دايما الانسان بيشتاق للذكريات
تحياتى
الاغنيه دى ان بموت فيها ونفسى مصر فعلا تبقى احلى بلد فى الدني
بس يا خساره
بدل ما كنا بنقول عمار يا مصر
بقينا بنقول خراب يا مصر
سرقة يا مصر
رشوة يا مصر
دعارة يا مصر
بطالة يا مصر
كل حاجه هنا وحشه وتدعو للاحباط
..............................
بس بصراحه انا معملتش اى حاجه من دى
غير انى كبرت فيها
لكن موضوع مشيت فى ضواحيها وصورة على الرمله والحاجات دى مافيش
حتى موضوع الرمله بروح افضل قاعده
على البلاج وابص لبحر وهو يغرقنى
..........................
تحياتى
سندريلا
الاغنيه فعلا تحفة ومصر هاتفضل ام الدنيا
بس ربنا بس يولى من يصلح
ثانكس ليك
تقبــــ مرورى ــــــل
الحمد لله مصر رجعت لنا من جديد و ان شاء الله لما ترجع من الغربة تشعر بالفرق
على فكرة
انا كمان مغتربة و منتظرة انزل و اشوف بلدي بعد الثورة
عمري ما شعرت ان اللي حصل سنة 1952 كان ثورة دائما كنت اقرا الاحداث على انها انقلاب عسكري
فقط هنا اشعر ان ما حدث هو ثورة شعبية حقيقية
الحمد لله
ميحسش الأحساس دة إلا إللي بعد عنها فعلا ...بلدي وبموت فيها ...ومش هقبل حد يشاركني فيها
constantly i used to read smaller articles or reviews which also clear their motive, and that is also happening with this
article which I am reading at this time.
Have a look at my page :: errol denton uk
Post a Comment